Zumtu kan thlacamnak a lak si hrimhrim lo, Aung La cu thlacam bu he a lut i fawituk in teinak lianpi hmuh ve

Aung La cu lukhun bu le thalcam bu in ring cung a lut i lawmhnak ban thlir bu he a kir ve. MMA ah a sung bal lomi le hohmanh nih an tei bal rih lomi pathawng Lebanon champion Karaki cu Kawlram  Limpi Aung La nih minute 2 chungah ceilak a thuat ko.

Karaki ca zongah sung puai a voikhatnak a ton bak si ve. Tuanbia thar a tial. Aung La zong nih tuanbia thar a chap ve. Middleweight champion taisawm a hmuhmi cu voihnih tiang tha tein a ven khawh.

Tuzan Aung La a luh ka ah thil a tuahmi aum. Cucu hlan puai zongah a tuah zungzalmi si. Ring kual chung a luh sin bak in a biak Pathian sin ah thla a cam ta.

Lu khun bu in a lut i kut hler bu in a kir ve. Thlacam bu he aa thong i lawmhnak he a kir ve. Zumtu kan thlacam hi a lak a si hrimhrim lo. Tei sawhawh hmanh si lo fawi zang tuk le tha dam tuk in a tei. Teinak a hmuh hnu zongah Pathian thawng le mipi thawngin teinak ka hmuhmi si a ti.

An i thuat hlan hrim ah a chim cia, round 3 chung ah ka tei lai , mah belte amah sining nawl si hnga. Duh le tuan zongah tei khawh asi ko. A dirhmun cungah aa hngat tiah a ti.

Aung La nih Kawlram aa thongh chungah a sung bal rih lo. Mah belte puai dang tu ah cun ramdang ah aa thua ve cang lai. Kawlram aa thuat hi a donghnak si  cang.

Tuzan puai dih hnu bia an halnak zong ah chim len cang. Ramdang kaa thongh zongah tha ka pe rih ko uh. Light Heavyweight champion vennak puai  kaa thong cang lai. Hi nak in puai ngan deuh um rih. Ka hram thawk lawng si rih, tampi cawn le hlat ka hau rih ve tiah a ti.