Zokhua Van Uk Cung (kum 21) a tlau, a tlaunak ni 17 si cang an hmu rih lo

Hakha Peng Zokhua khuami Sayaci Nawl Uk le Pi Ni Ian (Hrawngvun) hna an fapa Van Uk Cung (kum 21) cu khual a tlawnnak in a tlau. Atu tiang a umnak theih a si lo lengah a thih le a nun zong theih a si lo caah zaangfah tein a hmumi le a konglam a theihmi nan um cun a tanglei pehtlaihnak kan tialmi ah thawng nan kan thanh nak lai zaangfak kan in nawl hna. Thlacam zong in kan bawm cio uh. Chungkhat le hawikom rual le khuami zong nih an kawl sek len nain nihin April 17 tiang cun an hmu lo i a thawng pang zeihmanh theihmi a um lo.

Lungsiivang le ngaihchia taktak in chungkhar lei an um hna. A tlauning chungkhar lei nih an ka chimh ning ah Zokhua mi Van Uk Cung cu April 1, 2019 ah khan Zokhua in Ruadeu tlawn ah aa thawh. Amah lawng Motorcycle in a kal. Khua in a thawh caan hi zanlei suimilam 5:30 tluk si ti si.

A nu le pa ruahnak cun Ruadeu a phan ko tiah an ruah. Nupi thit a um i puai ah a cam ko rua tiah an zumh.  Puai cu April 5 ah a si. Cu tiang cun an hna ngam . Puai ah a cam ruah tiah an ruah men ko. Nain puai dih hnu zongah a chuah hlei ti lo tikah an lung rethei tuk cang. MotorCycle hna in a tla sual hnga maw tiah heh tiah Ruadeu lam hna cu an kawl, Gangaw lam pi zong ah an kawl len. Nain zeihmanh an hmu fawn lo. Phone an chawnh len zong ah a lut kho lo. Lungdong in an um cang.

A tlaumi Van Uk Cung a pa cu Sayaci Nawl Uk a si. Zokhua khuathar ummi an si hna. A hmumi le thawng a theimi nan um cun a tang phone number ah pehtleihnak nan tuah nak lai in kan in nawl hna.  Ph;094420000468.  Crd.chin7news

Note: mi tampi nih an hmuh khawhnak hnga share in kan bawm ve.