Zeiruangah dah taangka kan ngeih khawh lo, kutro in kan um peng

Minung pakhat le pakhat kan i lo cio lo. Mi thenkhat nih heh tiah zuamnak he rian kan tuan lio ah a tha a thu taktakmi an rak um ve. Mi then khat nih a za tawk tangka an ngeih lio le an khuasak a thancho  lakah kanmah ning peng kan si ko ti cun,

-Tangka hmuhnak lei kong kan ruat lo

Tangka ngei lo pawl kan kut a ro, zeitik te zongah kan kut ah taangka  a taang bal lo. Kan hmuh , tlawmpal ah a chuak than colh. Zeicahtiah hmuhnak zong kan ruat lo. Midang nih thil an cawk lai ah heh tiah a man an tuaktan,  lioah kan nih cu kan duhmi poh kan hmaika chuak poh kan cawk zunzgal. Cu ruangah cun taangka kan ngeih lo nak si.

-Hawikom tamtuk kan ngeih ruangah kut ro kan um

Hawikom hi an that rualrual in tamtuk hawikom ngeih hna hi taangka dihnak si cang. Atu kan chan cun hawikom tampi ngeih nak in rian tampi tuan chan si cang. hawikom pawl he i chawh, dawr ah kal ti bantuk khi taangka dihnak mi lawh lo nak lawngte si.

-Zei tin dah taangka ka hman lai timi ruah nak kan ngei lo

Phaisa hi tha te tuaktan hnu lawngah hman phun si. Ruat lo in cun chikhat ah an lo tawn. Phaisa hmannak kongah khua tha te kan ruah  a herh. Kan ruah lo ning le tinh lo ningin phaisa kan hman tawnnak khi kan hman hlan ah kan tuaktan ve lo caah si.

-Thil thar uar tuk le tleihchannak nih kut ro in a kan chiah

Mi thenkhat cu thil thar poh kan uar, mi ngeih poh ngeih ve kan duh caah kut ro in kan um nak si. Thil thar poh uar hlah, na ngei cawk fawn lai lo. Na herhmi te tu kha ngeih khawh i zuam. Thil thar na zuanh chung poh cu mi na lo kho lai lo.