Zeipoh A Kangdih Nain Jesuh Hmanthlak Cu A Zeihmanh Ti Lo

US ram ah kan hnu nithum nih ah khan biakinn pakhat kum 150 hrawng a hlun cangmi a kaang i a chung i a ummi thilri vialte cu an kang dih nain Jesuh Khrih hmanthlak an suaimi cu mei nih a tawngh zong a tawng lo i mipi an khuaruah a har ko.

A pawng hrawng i a ummi mipi pawl nih hi biakinn kum 1872 lio i a n rak sakmi biakinn hi nazi 4 chung bak mei in hlio liahmah i a kangh thluamah lio an zoh i cu mei ci an hmih dih hnu ah a chung an vun zoh i Jesuh hmanthlak cu a tlawmte zong a nak lo i mipi a lau in an lau.

Hi biakinn a kangh daan hrim hi a mak tuk nithum ni ah khan ni khua a chia ngai i ttek nih hi biakinn hi a tlakmi a si. An pastor pa nih a chimnak ahcun “ kan biakmi Pathian nih cun vutcam i a cang cangmi hmanh kha a thar te ah a canter khawh ” a ti. A sullam cu kan theih sih ko lai tiah ka ruah.