Yangon khuachung dawr pakhat damiah an teih

Nihin Nov. 1 chun lai suimilam 11: 50 tluk ah Yangon Taung Okklapah Parami lam cung ummi Store pakhat cu misual nih damiah an teih hna. Mah damiah an teihak cu Dr’s Choice online store a si.

Damiah an teihnak Parami lam hi motor a tlungkalmi zong an thing lo. Zapi lam cung bak a si. Cun CCTV zong tha tein an chiah. Sinain chun lai bak ah damiah an teih ngam ko.

An dawr hi Aircon an hman caah thlalang lawng tein an kulhmi a si. A ping dih. Dawr hngaktu hi nu 3 an si , pa an um lo. Misual pa cu nam sau taktak he dawr chung a luh tikah cun an tih tuk i zeituah ding an thei lo. Zing an thil zuar man pawl phaisa an hmuhmi cu a lak piak dih hna.

Nan ngeihmi sui pawl phoih dih uh law ka pe uh tiah misual pa nih ati hna nain vanthat ah hohmanh sui aa tawnmi an um lo. Cu ti cun caan rau lo ah misual pa cu a nam saupi he a zam diam ko. Palik sin ah report an tuah cang.

Damiah teih tu hi mizei dah a si ti zong an thei rih lo. atu bantuk chun lai i damiah teih cu lung aa in an um cio ko. An tih ngaingai. Palik nih an hlat liopi a si.

Ref.New Watch