Yangon Cozah Nih Eleven Media Pawl Ngaihthiam Nawlnak Ca Tial Dingin An Fial Hna

Yangon cozah pawl nih eleven media group i rianttuantu minung 3 an tlaihmi hna cu ngaihthiam nawlnak ca mipi hmuh theih awkin ttial hna seh tiah hi hna pawl nih an ca ttialmi kong le an tlaihnak hna kong he pehtlai in an chim.

Hi hna 3 an tlaihnak hna a ruang hi Yangon budget a hman loning le ziknawh firtlei aa telning newspaper ah an ttial ruangah Yangon cozah pawl nih hin palik sinah complain an tuah i October 10 ah khan tlaih an si.

Hi an ca ttialmi hi an ruahnak sawh sawh in ttialmi si loin parliament ah law sertu pawl nih hi budget kong an i ceihnak kong hi eleven media group pawl nih hin an ttialmi cu a si ko i anmah law ( zulhphung) sertu pawl hrim hrim zong nih a hman ko an ti.

Hi hna 3 an tlaih hna ruangah hin mipi an thin a hung i duhlonak a tampi an langhter, hi hna 3 hi a tu hi court hmai ah chuahpi ding an si cang i kawlram President U Win Myint nih Kawlram media lei in zulhphung he pehtlai in Yangon cozah pawl cu “ media pawl court ah chuahpi an si hlan ah remnak ser oh zuam hmaisa ding a si ” tiah a rak ti hna. Court i chuahpi an si canghnu ahcun President zong nih hin an biakhiahmi cungah nawl ngeihnak a ngei lo.

Cu President nih a timi hna he pehtlai in kan hnu zarh ni 5 ni ah khan Yangon cozah pawl nih ca an ttial i ‘ hi court ah chauhpi an duh lo a si cun nawlnak ca tidin ca ah an ttial a hau lai ” tiah an ti. Hi media pawl nih hin ca an ttial lo i court hmai ah chuahpi an si i court nih thongtlak dingin biakhiahnak a ser ahcun reuter thawngpang thanhtu 2 hna bantuk khan thong an tla lai i an thawngpang a daidep ko lai.