Vice President Van Thio nih Mandalay Thingyan puai zawh

Kawl pawl an i lawmh taktak. Tulio Kawlram rampi Vice President simi Henry Van Thio cu Mandalay khuapi chung an tuahmi Thingyan puai a zawh ve. Sunglawi ngai in an conglawmh i amah zong nih mipi Thingyan a rak hmangmi hna cu eidin a phawtzamh ve hna. Cu ti Thingyan puai a kalnak hmun cu Mandalay khuachung 26 Lam zawn i an tuahmi ke kal titoihnak an tuahnak hmun ah a si.

Cu bantuk kekal titoih an tuahnak cu kum thum tluk si cang. Kum dang cun Rampi president tiangtiang nih cun an veh balmi a si lo. Sinain tutan a voithumnak an tuahnak hmun ah kan pa Henry van Thio nih a zawh hna caah an i lawm ngaingai. 

Mi tampi nih cun Kawl titoih hi sualnak asi tiah kan ti. Hman pi lo le tel pi lo ding ti tiang in kan chim. Cu lak cun kan ram chung tuahmi puai a si ko tel pi ve ding an si ko a sual lo a timi an um len ve. Zeipoh hmanh hi a hman thiam cun an tha dih ko. Thingyan zong hi sualnak a hmangmi an um, tha tein a hmangmi an um ve thiam. Ref: 7DayTv

Be the first to comment

Leave a Reply

Your email address will not be published.


*