Vawlei pi nih zoh an i ngeih bakmi Aung La Nsang le BRADON VERA thongh puai

Aung La caah puai pical taktak si. Amah hrimhrim nih ka lung cawlcang ngai tiah a chim len. Middleweight champion taisawm a ven khawh hnu ah Brazil pathawng Machedo a rak chuhmi Light heavyweight champion taisawm vennak dingah 2019 March thla ah aa thong than lai.

Japan ram Tokyo ah si lai i mah Light heavyweight taisawm vennak puai ah cun tulio ONE championship Heavyweight champion taisawm cotu Philippine ram MMA pathawng Brandon Vera he an i thua lai.

Bradon Vera nih Aung La cu a zuamcawh (singkhaw) sinain an pum khing rihzan an i thlau tuk caah Bradon Vera nih Aung La he i thuat khawh nak dingah cun tampi a pum khing a tlakter rih hau.

Cun Aung La zong middleweight ah aa thuami a si bantuk Light heavyweight thuatnak dingah cun a pum khing kai ter a hau ve.

Hi puai kongah hin amah Aung La zong nih kaa ngaitukmi puai a si tiah a ti len. Tulio hi hna pahnih hi teitu an ngei veve lo ti khawh si.

Bradon zong a champion an chut kho lo i Aung La zong a champion an chut kho ve lo. Thil pakhatkhat tlamtlin lonak a um lo cun hi hna pahnih thongh puai cu a sunglawi tuk ding si.

Vawlei pi nih a cuanh ko hna. Bradon hi kum 41 a si i a khing hi 120 kg bak si. Aung La tu cu kum 33 si i khing 93 kg si ve. Atu tiang ah cun an i thlau ngai.