Vailamtah (Cross) Kong Hi Na Thei Cang Maw

Zumtu tampi nih nifa kan nunnak ah kan chim pengmi le khrihfa hna kan hmelchunh pakhat simi Vanlamtah hi a kong na thei ve maw, A tanglei ah Vailamtah an rak hman ning le zeibantuk chan lio in dah an rak thawk i zeibantuk minung dah Vailamtah cungah an rak thah hna timi vun rel ve. 

Vailamtah  thahnak hi mithah nak vialte lakah a ngan bik a rak si i Jesuh chuah hlan Kum 400 lio ah Persia miphun  hna nih an rak hman cangmi a si. Cucu Rome cozah pi nih a hun pehzulhmi a si. Siloah mi zei pawl dah vailamtah thing cung cun an thah hna ti cun,

Hramhram in mithil a chutmi le a firmi, phundang chim cun damiah teih hmang pawl, khualtlung lam leng hramhram in suingun chawva a chutmi pawl kha Vailam cungah an rak thah hna.

Rili cung in firnak rian a tuanmi hna minung pawl kha  an rak thah hna. 

Rome cozah dohtu phung zul lomi pawl an rak thah hna. Hihi Rome cozak nih an hun zulh hnu ah hmanmi si.

Sal pakhat nih a bawipa a thangchiat maw siloah mi theih in sual a puhmi pawl an rak thah hna. 

Zeitindah an tuah hna ti cun, Vailam thah an si hlan ah cei taktak in an tukden tak hna. Ralkap nih fung in an titsa pen chuak dih lak in an tuk hna. 

An vailam kha tah an sinak hmun tiang anmah tein Vailam tung an put ter hna.  An thihnak Vailam cungah an konglam kha Vailam an lu cung ah holh pathum in an tial i an tar hna. Mi hmuh ding in ca an rak tial. An tuk hna nak hma cung ah mitsur thur an toih hna. A fah thei hna seh an ti. An kutke an tuk khiak piak hna. Vailam cung an thih hlan ah an kal tak hna. An ruak cu Langta nih a ei tawn hna.

Cu ti cun vailamtah thih nak cu a si. Vailam tah timi cu phundang chim cun ram phung a zul lomi, biaknak a doh i a pial sualmi le a firmi le sal thalo an thah hna nak thihnak ngan a si. 

Note: ka peh than te lai.