US Missionary Pa A Nupi Le Fale Hmai Ah An Thah

Charles Wesco an timi US ram i Indiana khuami missionary pa pakhat cu a nupi le a fale minung 8 he Africa ram i Bamenda khua ah missionary rian ttuan dingin an kal hna i cuka ahcun Wesco cu a nupi le a fale hmai ah thah a tong.

Indiana Believers Baptist Church pawl nih Wesco te chungkhar hi Africa ram ah kuat an timhnak hna kum 2 a si cang i kan hnu thla te lawng ah khan an kuat khawh hna. Wesco le a chungkhar pawl hi Afeica ram an phaknak thla khat hmanh a tling rih lo i hi thil hi a cang.

Hi an umnak khua Bamenda hi Khrihfa an huat ngai nak hna hmun a si i buainak a tam ngai nak a si. Ni hnih ni ah khan Wesco le a nupi le an fapa pakhat cu an hawipa pakhat he dawr ah thil cawk ah an kal hna i an kir lei ah mibuu pakhat an rak ra i mawttaw chung an tthut ko lio ah Wesco cu a chung le hmai ah meithal in an kah i voi 2 bak an khen, siizung ah an tlikpi nain a nunnak an chanh manh lo.

Hi an hawipa hi missionary a si ve i a chimnak ahcun “ kei nih cun a thattu pawl caah thla ka cam cang i Charles zong siseh law thla a cam ve ko lai tiah ka zumh ” a ti.