Tuluk Palik Pawl Meithal He Kawlram Muse An Luh Caah Khuami Thinphang In An Um

Nihin Oct.17 zing suimilam 8:00 tluk ah Tuluk Palik phu khat cu meithal bak he Myanmar Tuluk ramri kawlram lei Muse khuachung ah an lut hna. Muse khua upa te zong thinphang ngaiin an um hna. Cozah pi sin zongah thawngthanh nak kan tuah lai an ti.

Zeiruang ah dah an luh ti cun, Muse khua chung an sak liomi Market committee zung cu kanmah ta a si , Tuluk kan vawlei a si, nan sa kho lo tiah palik 20 tluk meithal he an luh hi a si tiah Muse ukchukzihmu nih a chim.

Muse Ukchukzihmu Aung Kyaw Moe chimnak ah cun, Tuluk palik an luh lio hi ka um lo. An chimmi cu zung nan sak nak hmunhma khi kanmah ta a si tiah an ti. Cu tikah zung saknak lei committee ukkathah nih cun hi bantuk hin duhlonak langhter a ngah lo. Nan duh lo si cun ca he tha tein langhter uh tiah a ti ve hna.

Cucaah cun zung sak mi cu chikhat an i din ta rih lai i Shweli lei pyithezi sin zongah ca kan kuat colh lai tiah a ti.

Kan hnu September thla zongah khan Pansan myone ah Tuluk ralkap pawl an lut i heh tiah vawlei an cawh i tlakrawh hna an phun cucaah khuami he zong bia elnak an ngei cang tiah an ti.

Ref.DVB