Together 2018 Timi Vawleicung Khrihfa I Tonnak Cu Texas Ah Tuah An Timh

Vawleicung khua zakip in khrihfa pawl vialte i tonnak cu a tuzarh a donghnak ah Texas ah tuah an timh. Hi puai hi puai sawh sawh si lo in a tu chanthar pawl nih Jesuh Khrih nun an ngeih i amah lei an karhlan chinnak hnga caah tuahmi a si i a min ah Together 2018 tiin an auh.

Hi puai ah hin a hruai tu hna ding hi Billy Graham a dottu tiah an auhmi Nick Hall a si lai. Hi puai ah hin vawleicung khua zakip in a ra khomi Khrihfa poh sawm an si i a ropui tak tak in tuah an timh. A hlan lio kum 2002 lio ah khan hi bantuk hi Billy Graham nih a rak tuah bel cang i minung ting 2 le thong 50 leng an rak i tel kho.

Hi puai ah hin thawngttha chim he hlasaknak he a um lai i vawleicung minthang Khrihfa hlasak thiam pawl Matt Chandler, Francis Chan, Hillsong Worship, Andy Mineo, Jesus Culture le mi dang dang zong an i tel hna lai.