Tlanglawng aa leh ning a fak tuk minung tam taktak an thi

Taiwan ram tlanglawng aa leh ning cu a fak taktak. Minung 22 an thi, 170 leng nih hliamhma an put. Hi ti Tlanglawng aa leh hi anmah ram nihin Oct.21 suimilam 16:50 tluk ah a si i an ram nichuah chaklei Yilan khuapi pawngah  cangmi si.

Mah aa letmi Tlanglawng chungah cun minung 366 an um hna. Anmah Taiwan Railways Administration lei in Lu Chieh Shen nih a chimnak cun mah aa letmi Tlanglawng cu a thar ngaimi si, kum 6 lawng hman rihmi a si ko, accident an ton hlan zongah tha tein zohfel a si i a tha dih mi si ko tiah a ti.

Tlanglawng cu tuai 8 a si i tuai 5 bakte aa leh hi a si. Cu ti cun Tlanglawng chungah harnak tongmi minung pawl cu mcihantu le meithat pawl i bawm in heh tiah an chanh hna.

Mah Tlawnglang hi a tak cun zarhteni le zarhpini caan i nuamnak beach a kalmi pawl a phor tawnmi a si. Atutan  Tlanglawng chung cuangmi pawl zong hi beach an kalnak in an kir mi deuh pawl an si hna ti si.

Zeiruangah dah aa leh ti tu cu an thei kho rih lo. Anmah Taiwan Railways nawlngei hna nih thil sining an kherhhlai liopi a si ko.

Ref.BBC