Tlangcung hriamtlai anmah le anmah an i kah ruangah ni (20) lawng si rihmi nute a thi

Shan ram chaklei ah tlangcung hriamtlai anmah le anmah an i kah ruangah khuate in Lashio myo ah a zammi minung 1000 leng kai an si. Cu a zammi hna lakah ni 20 lawng si rihmi faphir hna lakah pakhat cu lampi ah kik nih a tleih i a thi ai.

Nuva pakhat hna nih nu faphir an ngeih hna i a hniang deuh te cu Oct. 31 ah khan a thi. An chuah ka in hmur khin zawtnak an ngeih caah hnuk zong thathi in an zu kho lo.

Cu chinchap ah an umnak khua pawngah biatakin RCSS le SSPP an i kah caah Oc.t 26 khan an khua in khuapi simi Lachio ah an zam, an zamnak lampi ah kik nih a tleih i a thih hi a si tiah thih tong chungkhar lei nih an chim.

“Kan khua ah raltuknak aum caah zei thilpuan tha zong kan i keng lo. Bawhhlawm tha zong kan i ken lo. Hi ti hin kan zam sawh men. Cu tikah lampi ah kik nih atleih caah a thi tiah a pa nih a chim.

Cun a thimi  hringtu anu chim ve nak cun, kan zam ka hrimhrim in ruah hi a sur pah cang, cu ruangah cun ka fanu hi kik nih a tleihnak a si tiah a ti ve.

Lashio an phanh suimilam 1 hrawngah an fanu te cu a thi beh. Siizung le sii-khan zongah an kalpi manh lo.

7daydaily