Tilum Tisa Din A That Ning, Tilum Na Dinnak Nih A Chuahpimi Thathnemnak

Minung tam deuh nih cun tikik le tikhal lawng din kan duh. Tilum din hi kan uar lem lo. Sinain ti lum/ tisa din hi a rak thatuk. Kan pum damnak sii phunkhat a rak si ve. Zeitluk in dah ti lum/tisa din hi a that ti cun,

1)tilum /sa dinnak nih thau a tlak ter

Tilum kan din tikah kan rawl eimi a saci, cu tikah kan zun-ek caan a hman. A bik in thau tlak a duhmi nih ti lum /sa hi rawl ei khawh chawngah din peng ding a si. Cu ti na din ahcun na thau a tla ko lai.

2)Tilum/sa dinnak nih kan awr fah a khamh

Tilum dinnak nih kiktleih, taangfah, awrhrum fah le thah tibantuk a khamh. Cucaah tilum /sa hi kan awr ca hrimhrim ah sii phunkhat si.

3)Fah thawm a deih ter

Tahchunnak ah nu na si i na thi a rat lio ah fahthawmnak le tamnak na ngeih si cun tilum/sa hi ding hmanh na fahthawm a dam lai.

4)Kan pum thurhnom a thianh

Tilum dinnak nih kan pum chung ummi a thurhnom vialte a thianh. Tilum kan din tikah kan thi kal ning a hman. Thlan a chuah ter i kan chung ummi thurhnom vialte a thianh.

5)Tilum dinnak nih no a chuahpi

Japan miphun pawl an chan a saunak le an no nak khi tilum /sa an din caah a si. HI tilum dinnak nih kan taksa cell thar pawl a chuah ter. Cu tikah takvun a no ter i a dawh ter no a hlawh.

6)Sam a that ter

Tilum dinnak nih sam a thatter. Sam tlongh le sam rocar a khamh. Cun hi tilum dinnak nih sam than a fawi ter fawn. Cucaah na sam that na duh cun tilum tampi in ding.

ref;SM