Ti tampi dinnak nih khuaruahhar thatna chuahpi

Minung pumsa chung ah hin zeidang vialte nak in ti dat hi a herh bik a si. Tidat bau nak nih khuaruahhar a simi zawtnak thatlonak tiang a chuah pi ve bantuk in ti a ding peng mi, ti dat a bau lo mi caah khuaruahhar a si mi thatnak a chuak mi zong a rak um ve. Din ti hi inn kip nih ngeih cio mi a man tampi in cawk hau lomi a si. Nain tidin daithlang mi kan tam pi. Mah tidin kan daithlan nak nih zei bantuk harsatnak a kan pek ti kan thei lo. Cu ve bantuk in ti a ding lengmang mi caah zei bantuk thatnak dah a pek ve zong kan thei thiam thiam lo. Ti dinnak nih a chuahpi mi thatnak pawl cu, 


Thluak caah thazaang tha pakhat a si : Tidin hi zei ah kan rel tawn lo si nain kan theihhngalh lo kar ah khuaruahhar in kan pum caah rian a rak tuan i kan thluak caah thazaang a rak si. Ti tampi kan din thawng in, kan hngawng ruh kha thazaang a pek i cu nih cun kan thluak a dam ter i, thil philh le lung loh ti bantuk zong kha a khamh.

Thabat a har ter : Tidinnak nih hin thabat zong a har ter i pumsa zong nuam tein a um ter. Kan pum a ritmi kha a zannak a pek lawng si loin kan chung um mi a thurhnawm mi vialte zong a thianh piak fawn.

Taksa a dawh ter: Ti tampi a ding lengmang mi cu an taksa hrimhrim aa dang deuh tuk. Ti ding lo nak cun an i dawh deuh cing. Ti na din piak nak nih na taksa a rocar mi zong dawh tein a ser than khawh.

Zawtfah nak a khamh : Ti tampi dinnak nih thau sual nak ti bantuk zong a khamh. Zun zong a thian ter i ka pum cung zawtnak  thalo pawl zong kha a kan khamh piak.

Thinlung a dam ter : Kan pum nih a herhmi ti dat a tam ah cun kan thinlung zong a dam i thinhunnak le thil tha lo ruahnak zong a chuak  lo.

Cucaah man lo ti tampi kan ngei ko, kan tihalh caan lawngah din si loin kan damnak caah nifatin tampi din khawh i zuam u sih.

Be the first to comment

Leave a Reply

Your email address will not be published.


*