Thli le ruah aa tu motor tampi an rawk

Nihin zanlei ah khan Kawlram le Thailand ram hmun thenkhat ah cun ruah le thlichia aa tu i thingkung an tlu. Cu ti thingkung a tlumi nih cun motor tampi a nenh hna tiah theih a si. Abik lei Thailand Chiangrai peng kulh hi a zul hma chinchin. Motor paruk kheng te thli le ruah tuk ruangah an rawk dih cikcek.

Nihin May 16 zanlei suimilam 4:00 tluk ah khan ruah a sur, thli a hrang ciammam i siizung hmai a dirmi motor pawl cu an cung thingkung nih a tluk hna. An sawk dih cikcek ve. Cheukhat a hmutu chimnak cun minung kan um lo lio caan te a si caah mi nunnak cu a him. Motor chung hna um lio caan siloah pawngkam i chawh lio si sehlaw tihnung tukmi a si. Tin lei cu ruah a fah tuk ah motor hmanh mawngh khawh a si ti lo an ti.

Tukum fur tlak lai hi tih nung ngai si, thinphang ngai si ko. Zeicahtiah a nikhua um ning dan a hman chin ti lo. Nikhua hi a chia chin thluahmah ko cang. Nai ah sikaw India ram Odisha peng ah thli a hrang ciammam ve i minung umnak inn tam taktak a rawk ve cang.