Thin a tur ko cang, Aung La le a ralpa Karaki tonnak an ngei cang kiptuh ah an i phomh cang lai

Aung La Nsang aa thonghnak nihnih lawng  duh cang. Tutan cu tuan deuh puai bantuk si lo, thinlung tur ngai te. Zeicahtiah MMA tei ballo mi pathawng he an i cheih lai.

Tutan One championship nih Yangon an tuah dingmi MMA puai acu zong nihin Oct.24 ah Yangon Junction City ah zanlei suimilam 4:00 ah an tuah cang. Aa thong hngami Aung La le a ralpa Lebanon pathawng Karaki zong an i tong. Hmai tonh tonnak zong an ngeih ter hna.

Tutan puai hi ONE championship upa hna nih Oct. 7 ah khan thawng an rak thanh cang i puai 12 a um lai Aung La Nsang te hi puai donghnak a hnu bik ah an i thong than lai.

Kawlram lei in Aung La le Phu Taw an si lai i Phu Taw hi Malaysia pathawng he an i thua ve lai. Nihin ONE championship nih Aung La le Karaki tonnak Workout le  face off an tuahmi ah minthang tampi le media lei zong tampi an chuak hna.

Aung La nih June thla ah khan Japan pathawng cu a rak tei cang. Thla 4 a rauh hnu ah atu hi a hmuhmi middleweight champion taisawm a ven than lai.

An i thuat taktak ni cu October 26 zan ah si lai i Yangon Thuwanna Stadium (1) ah si lai.

Ref; myanmar Sport Info