Thih dan in luatter mi Khrihfa nu Asia Bibi caah thinphang tuk si ko cang Muslim nih biatak in sandah an piak than

A poi taktak. Muslim pawl an zia a puang than hoi cang. Tunai ah Khrihfa nu thihdan pekmi Asia Bibi  cu biaceih zungpi nih a sual lo tiah an ti i an luat ter hnu ah Muslim pawl nih lam zawh in biaceih zung biachahnak cu an doh than. Minung thong leng kai nih lam an zawh .

Pakistan ram Khrihfa nu Asia Bibi cu Islam biaknak a namneh zei ah a rel lo an ti caah kum 8 thong an thlak, voi tampi bia an ceih hnu ah naibik Oct. 31 ah khan biaceih zungpi nih cun a sual lo an ti caah thihdan in an luat ter.

Cu le cang ka cun anmah Pakistan ram hmun tampi ah Muslim pawl nih sandah an piah colh cio. Fak taktak in duh lonak an langhter.

A poi tuk nak cu Pakistan ram ah hin Muslim pawl hi an cak tuk, thil an ti kho tuk fawn. Cucaah Khrihfa nu Asia Bibi ca hmanh ah thinphang si cang. Media thenkhat hna chim nak cun an tleih than cang tiah an ti. Cheukhat nih cun thah zong an thah kho men ti si.

Amah Asia Bibi ca ko ah tihnung zeicahtiah Muslim pawl nih kan Prophet Mohammad le kan biaknak zei a rel lo, a zawmhtaih tiah an ti.

Tih nung ngai si ko.

Ref.mizzima