Thi cancer a ngeih caah Roman Reigns nih WWE a kal taak ai,

WWE stage cungah kan hmuh pengmi le mipi nih kan uar ciomi American WWE velthawng Roman Reigns cu hmuh khawh a si ti lai lo. Zeicahtiah thi cancer a ngeih caah WWE in aa din cang lai . Cun a champion taisawm pouns 10 tluk ritmi sui taseik pi zong a thlah ruangmang ai cang.

Mipi an zaangram cio ko. A nih hi velthiam si thawn si, mi zeipoh he aa thua khomi pathawng a si. October 22 ah an thlahmi thawngthanh ning ah cun Roman Reigns nih mipi sin ah theihternak zong a tuah cang i amah kong a theimi a fans pawl zong an ngeihchia dih cio. Lung nuam loin an um cio dih.

WWE stage cung ah kan hmuh pengmi Roman Reigns cu 2010 in professional naban vel thiam ah aa chuah. Kum 8 chungah WWE world champion taisawm 4 khengte bak a lak khawh ve.

Hi tluk a thawngmi Roman Reigns  kum 33 cu a luan cia kum 11 lio , 2007 khan thi cancer a rak ngei cangmi si. Atu ah cun a sining le a zawtnak a zual chin thluahmah cang.

Cu ruangah cun WWE a chuah tak lengah a champion taisawm zong ven khawh ding a si ti lo caah a thlahnak a si.

Cheu khat nih cun WWE ah a kir than zau ko lai, a thi cancer zong a dam zau lai tiah a timi an um i cu ruangah cun a fan pawl an i lawm taktak.

Ref.SM