Thawngtha taktak Chinram le Mizoram lam cawhnak caah India cozah nih $300 Millions bawmh lai

Kan Chin ram Paletwa le Mizoram hlatnak motor lam cawhnak caah India cozah pi nih USA $ 328 millions bawmh a timh hna. Cucu zeihmanh chan hau phun si lo, a lak tein a bawmhmi hna si tiah Kawlram lei Engineer chuk simi U Soe Thein nih chim.

HI motor lam cawhnak kong hi 2008 April thla khan ram hnih hnatlaknak an rak tuah cangmi si. India ram khuapi simi Kolkata in Sitwe lei hlatnak motor lam an ser lai. Sitwe in Paletwa ah a kal than lai i Kaladan tiva a tan hnu ah Mizoram a lut than lai. Hi lam sernak dingah hin harnak tampi kan tong. An ram le kan ram dirhmun aa dang tuk. Sinain ram hnih lungtlinnak in tuahmi a si caah a tlamting lai tiah kan zumh tiah Engineer Soe Thein nih cun a chim.

Mah lungtlinnak an tuah hnu ah ti lam lei biatak in an ser hmasat i phaisa zong 160 millions an dih cang. Ti lam lei cu a lim khan si. Tlang lam tu hi an onh colh lai.

Ti lam he tlang lam he 484 dih dingin India lei nih tuanvo lak in an tuah cuahmah. Tlanglam hi kilometer 109 a hlat lai i Paletwa in Mizoram tiang  a kal lai.

Mah lam an cawhmi hi ram hnih lei upa hna nih tha tein zohfelnak zong an tuah lai. Kum 2 chung cu a rau men lai tiah an ti.

Tha tein ti lam he tlanglam he an lim khawh si cun ram hnih caah thathnemnak tampi a um lai, chawlehnak caah siseh, tlunkalnak caah a thatuk lai tiah an ti.

Ref.7daydaily