Thawnglatu thih kongah Saudia Arabia lei chimmi cu Trump lung tling lo

Saudia Arabia thawngzamh pa thah kongah anmah Saudia Arabia lei cozah nih thil sining an chimmi le fiannak an tuahmi kongah US President Trump nih ka lungtling lo tiah a chim ve cang.

Washington Post ah thawng a zamhmi Saudia pa cu a luancia zarh thum ah khan Turkey ram chung Saudia ralkap umnak ah i siknak a um i an thah tiah an ti. Hi thawngzamhtu thah kongah media pawl nih Trump cu Saudia cozah nih an chimmi hi a dik tiah na ti maw cun na cohlang kho maw tiah bia an hal tikah Trump nih cun hitihin a leh hna, ” hi thil sining hi fiang tein a rauh hlan ah a lang dih ko lai.

Caan rau lo teah kan hngalh colh lai. Turkey zongah zumhtlakmi kan ngei ko hna, Saudia zong ah an um thaimthiam ko. Anmah zong an kir cang hna hi anmah sin in thawng dik tak kan hngalh khawh ko lai.

Atu tiang thawng an zamh ning ahcun ka lungtling kho rih lo tiah Trump nih cun a chim. Mi then khat nih tutan Saudia thawngzamh tu an thah mi kongah hin a phunphun in an chim len hna. Thenkhat nih cun US nih a thah an ti, cheukhat ve nih anmah Saudia ram siangpahrang kut in a thimi si an ti ve.

Thawng fiang taktak theih khawh si rih lo.

Ref. mizzima