Sydney ah muslim pa nih a nupi nam in a sawh mi cu bia an ceih

Kum 2017 lio ah Sydney ummi Pa nih a Nupi Khondkar Fariha Elahi  cu Nam in thilak in a sawh I, tu ah court biaceihnak an tuah tik ah lung hman lo nak le lungrawhnak lei  zawtnak ka neih ruang ah a si tiah a chim.A nupi phone chung ah a hawipa he message an I kuatnak pawl cu a hmuh tik ah Nupi cu voi 14 bak te nam in a sawh I facebook ah “ A DIH CANG” tiah a post I, palik pawl a auh hlan hna ah kuak a zu ta tiah Sydney judge nih a chim.

Shahab Ahmed nih a Nupi Khondkar Fariha Elahi kum 29 cu February 2019 ah Parramatta unit inn ah a thah I, New South Wales (NSW) Sepreme Courth nih cun a sualnak zeihmanh a ngei lo tiah an ti, a ruang cu thluak tlamtlinlonak a ngeih ruang ah si tiah an ti.Ni hnih ni ah khan kum 35 a si mi Shahab Ahmed cu A nupi a thah ko nain a suallo an ti mi cu mipi nih an pawm lo tikah biahalnak cu an awn than.“ A nupi a rak thah lio ah hin, lungrawhnak (depression) a rak ngeih ruang a si”,tiah Avni Djemal nih a chim.

A kawng cu a van hlat hai tikah, Ahmed nih a Nupi cu a hawipa Omar khan he April 2015 ah khan a thlitein pehtlaihnak an nei tiah lunghrinnak a rak ngei cang.February 18,2017 ah khan an Nupa karlak ah cun I siknak fak piin a chuak tikah, Ahmed nih a Nupi cu a phone a chuh I Pa he an I chawnhnak pawl cu a rel piak I, a nupi cu bia hman chim ding in a hal I, a Nupi cu ihnak khan chung ah a rawt.

Image result for Sydney Shahab Ahmed he kill wife Khondkar Fariha ElahiRussel ti zong in a min theih a si mi Ahmed nih cun, a Nupi ihnak khan chung ah a rawt dih hnu cun coka (kitchen) ah namte cu a lak I a nupi cu “ na au a siah cun, kan thah lai, atiah ati.Na phone kha rak ka pe, lih na ka chimh le chimh lo ka theih hnu lawng ah ka kal lai”tiah a ti. Ms Elahi nih cun a phone cu a hei on piak I, Mr Khan he a thli tein an rak I chawnhnak le, nupa sinak in an I chawnnak (sexting) pawl cu a hmuh tik ah, Ahmed nih cu nam in nolh than lengmang in a sawh.

Ahmed nih a nupi nam in a sawh cuahmah lio ah cun, a nupi nih cun, ‘rak ka ngaithiam Ahmed, ka ngaithiam’.” Tiah a hal len. Ahmed nih a nupi cu ihkhun cung ah cun a chiah tak hnu minute 10 chung kuak a zu ta. Ni hnih ni court an kal lio ah, Mr Khan nih Ms Elahi he an phauh pian ko tiah a chim, nain nupa sinak (sex) kan tuah bello e, A sinain, kan I chawnh tik ah taklawng in kan umnak hmanthlak te pawl kan I kua ko tiah chim.

Mr khan nih Ahmed hi kum 1999 in a rak I thei cang mi kan sii, Bangladesh ah ka nupi he holiday kan kal ah, Ahmed le a nupi he kan rak I tawng hna mah hnu cun kan nupa karlak ah le an nupa karlak ah hin dawtnak a thawng ngai tiah a chim.Ahmed a hawi le pawl nih an chimnak ah cun A nupi Elahi nih hin then (divorce) a duh a si nain Ahmed nih hin a duh lo, tiah an chim,Ahmed I a case pawl cu an hlathlai tik ah, “timh ciammam tein a nupi hi a thah mi a si ko,” tiah Justice Monika Schmidt nih a chim.

Be the first to comment

Leave a Reply

Your email address will not be published.


*