Sunghnak kan timi hna hi kan caah thatnak an rak si tawn, Indonesia vanlawng tlami tiket a cawk nain a tlai caah thihnak in a luat

A hawile minung 189 an thi dih. Vanlawng tiket tha tein a cawk ve. Sinain vanlawng nih a zuan taak diam . A tlai deuh caah vanlawng zuan a tanh manh ti lo. Ka sung thipthep tiah a ruah nain thihnak in a luatnak ah a cang.

Tulio vawleicung a hnin dihtu cu Indonesia vanlawng tlak a si. Minung 189 bak an thi. Cu lakah cun vawleicung mi vanthabik timi pa pakhat a um ve. Vanlawng chuah rak tanh sehlaw a thimi lakah aa tel ve hrimhrim hnga. A vantha taktak a tlai kha a nunnak caah a si.

Mah pa min cu Sony Setiawan an ti i khua chungah motor traffic a tam deuh caah vanlawng chuah a tat lo. Vanlawng chuah rak tanh sehlaw cu a thi ve hnga.

A hawile minung 189 cu an dihlak in an thi dih. Vanlawng tiket a cawkmi cu Lion Air a si i Jakarta in zinglei suimilam 6:35 tluk a zuan tlawmpal minute 13 ah pehtleih khawh an si ti lo. Cu ti cun rili chung a thuh pe 100 ah a tla. A chung cuangmi minung 189 ning in an thi.

An ruak zong zei mawzat an char len cang hna. Hmuh rih lomi tampi a um rih.

Thihnak in aluatmi pa Sony cu a hawile he zarh fatin khual a tlawngmi a si. Mah a thimi 189 Lion Air vanlawng chungah a hawile 20 fai an i tel ve. Vanlawng chuah a tat ti lo caah vanlawng tiket thar a cawk i a dang in a kal.

Cu ti cun thihnak in a luat caah Sony cu mi vanthabik pa tiah an ti.