Sung Tin Par nih Hakha Khua Cawihler Taktak

Kawlram Rock hlasak minthang Lainu Sung Tin Par hi nusal bak si. A rak menmen lo. Miphun a tanh i khua le ram a dawmi ca le holh a dirmi a si. Zeimaw caan te ah Laitlang a tlung pah lengmang. Tutan zongah Hakha khua a phan than. A phanh tlawmpal ah Hakha Gangaw Lam Viewpoint ah a kal i hman aa thlak len. Cucu Online ah a lar colh. Sung Tin Par hi khat lei cun kan Lai nunphung, thilthuam le miphun a cawisang tu a si.

Amah thawng hin Kawl zong nih Chin an theih. Lai thuam an theih dih. Lai thuam, Lai hni pawl an hmuh caan ah Sung Tin Watsone an ti theo. Cu tluk cun Laimi a kan cawisangtu a si. Kawlram chung nu hlasak thiam hna lakah ROCK sak a thiam bikmi zong a si. Rock hlasak lei cu a mah a tluk mi hi an um tuk lo.

Anmah hlasak thiam tiang zong nih an uar tuk ve. Kawlram Hlasak zuamnak ti bantuk zongah Judges in an sawm lengmangmi a si.Kawl holh ti le anmah tluk in a thiam. Lai holh ti le a thiam tuk fawn. Lai Kawl hla tha tein a sa khomi a si. Tutan hakha  a phanh zong a sunglawi ngaingai. Tuzan ah Zophei Concert an tuahnak Carson Hall ah hla a sa ve.