Sudan ram ah khrihfa pawl hrem le thah an tong nain zumtu an karh chin

Pathian riantuan ning le cawlcangh ning hi a mak ko. Sudan ram ah biatak in khrihfa an hrem hna i an thah len hna. Pathian thangthat kho lo le i pum ngam lo tiangin Islam biaknak hruaitu pawl nih an tuah hna nain an zawr hlei lo. A karh lei tu an si.

An hrem hna le an thah hna a hmumi pawngkam minung tiang nih Jesuh an zumh i khrihfa an lut thluahmah hna, Brad Phillips nih a chim ning ah Sudan ram Pathian aa phuang ning le a riantuan ning cu khuaruahhar taktak si ko tiah the voice of the martyrs USA ah a chim.

Sudan ram uktu (Islamist Government ) pawl nih khrihfa pawl an biak inn an hrawh piak hna. An thawl hna. Sinain an mit hmuh hngan lila ah zumtu an karh chin. An doh deuh hna poh le khrihfa an zumhnak an thawng chin thluahmah ve.

An dohnak hna le an hrem hna nak le zumtu thahmi thisen nih phu a hlam mi ko a lo. Biakinn lo zongah Pathian an thangthat men.

A phunphun in Islam pawl nih an khenkham hna nain an lungdong lo. Pathian nih a tanpi hna i zumtu an karh lei tu a si. Nikhatkhat ah cun Sudan ram zong hi khrihfa ram can dawhdim a si.

Ref. The Voice of Martyrs