Siibawi te nih thla li lawng nun cang lai an timi cancer ngeinu cu sangphaw hnah in dam

Kum 18 tluk simi nungak pakhat cu cancer a ngei i Yangon siizungpi ah caan saupi an thlawp. Nain a zawt a zual, a sam a tlong dih cang. Rawl zong ei kho ti lo. Cu lengah siibawi te nih minu a nu sin ah biathli an chimh , lungcan i pe ko uh zeititha nan fanu hi a tambik thla 4 lawng nung ding si.

Cucaah cun inn ah tin pi ulaw ei a duhmi poh eiter ko cang uh a dam ding si ti lo tiah an ti. Phundang chim cun let an hmioh cang. Cu tikah lungdong ngai in an khua Taungngua lei ah an tlung hna.

Minu chungkhar le khuami zong nih a thi zau dingah ruah cio a si i zei ah an rel ti lem lo. Ei a duhmi zong um hlei lo i cu ti cun an zoh ko. Sihmanhsehlaw hringnu a nu nih a lungdongh vansan lung khin sangphaw hnah hring haang din a tha ti a theih.

Cu tikah minu a nu nih cun sangphaw hnah cu nikhat kheng khat tluk khi a den/phomh i a haang a sur cucu nifatin a fanu cu a din ter. Thla 4 a tling a thi lo. Cu tikah siikhan ah an kal than. An check tikah cancer zawtnak an hmu ti lo.

Voi tampi siikhan ah an kal, sizungpi zongah an kal an chek len nain an hmu ti lo. Cancer cell hrimhrim a um ti lo tiah an ti . An lau dih ko.

Ruah lo pi ah cancer ngeinu cu tuan deuh Yangon siizung a rak um lio i a zohkhenhtu siibawi pa he thit um puai ah an i tong i siibawi pa zong a lau tuk ve.

Cu ti cun minu cu sangphaw hnah hring haang surmi cun a dam thai thla 4 lawng nung lai an timi cu kum 6 leng a si cang a sam zong a keu than dih cang.

Photo tarmi hi cancer ngeinu le siibawi pa an si.

Ref:Myanmar2news