Sifah cang hin cun mu…

Ngeih lung awng pam lungping  tiah kan Lai phungthluk pakhat a um. Ngeih ko ah cun tuah ding tampi theih a si, khua zong hngalh deuh a si. Sifah cang hnu cun lung nih a theih ko zongah a tuahtuan a har. Khua hngal lo co a si tawn.

Sifah hi a har hringhran ko. A caan ahcun minih hna kan chuak thulh. Mi tuah lo hna tuah a si. Hawi bantuk lo ning hna in thut um a si thulh. A caan ah hruh co a si. A caan ah le a hngal lo le a thei lo ah ruah a si hoi. A har hringhran. Bia dik chim zongah awi sawm piak a si lo. Nihin kan chan hrim cun sifak hmurka cu khua zei ka hmanh ah a man ti lo.

Zahan zan ah a mak ngaimi cu sifak chungkhar pakhat cu Mandalay khuachung lampi ah  motor cycle pakhat in anmah nupa farual 4 le an thil ton tiin an kal hna.  A hmu mi poh an khuaruahhar , capo hna an seih men hna.

Anmah nih cun zei poi lo tein an kal nain mi pakhat nih hman a thlak hna i online cungah an lar ngaingai. An pa nih cycle cu  a mawngh i a hmai ah a fa pakhat aa kar ceh, cun a hnulei ah buri lian taktak in thil a phorh i a cungah nupi le a fa pakhat an thu.

Zoh ah nihchuak zong a tlai pah tak ko. Sinain sifah cang cun zei ti awk tha lo. Khat lei ve cun upat le uar zong an um thulh.

Cu ti cun Mandalay khuachung ah zan suimilam 9;00 cun an i chawk. Thil zuar hna sehlaw an tin lei khi a lo.