Sianghngak chia minung 5 hna nih cun an hawi pakhat cu an vuak hnu ah motorbike he an rial rih i athi.

Hi tleirawl india ram mi cu sianghngakchia pa 5 hna nih i bawmh in an vuak hnu ah motorbike he arial rih i anunnak an lak.Deoria i a um mi tleirawl vanchiat nak atawng mi pa Ranjit Kumar Singh hi kum 17 lawng i upa mi asi. hi pa nih hin Training institute i classroom ah ahmai lei thutnak ah thut aduh ruangah sianghngakchia dang hna nih cun acung ah thinhan nak an nei hi asi.

Ranjit le he sianghngakchia hna karlak ah cun buainak achuak i, nihnih aliam hnu zawng ah an thin ahang peng caah. Ranjit cu fak tak tak in an thuat i,june 8 i sianginn an chuah bak in athilri cu an phawih dih i underwear he lawng a um ter i, rod  le fung hmangin zeihmah thei lo tiangin an vuak.

Hi ti zeihmanh thei loin an vuak hnu zawngah hin aza ti loin motorbike he an rial chih rih i, alu ruh akuai pinah apaw chung lei faktuk in akhawn caah anunnak aliam nak hi asi.Police hna nih cun hi thil cang mi cu an hlathlai colh i, hi thil i ai tel ve mipa tiah an zummi minung pakhat cu an tlaih cang. Hi misual sianghngakchia minung 5 hna hi Kum 17 in kum 20 karlak lawng te an si tiah an chim.ref:MPN

Be the first to comment

Leave a Reply

Your email address will not be published.


*