Salai Lung Thli Tum soiselmi poh mitha lo kan si, amah bantuk kan Lai mino miphun caah kutke ngeimi an um tung lo

Laimi chungin mirum an tamtuk ko, mifim zong an tampi nain Salai Lung Thli Tum bantuk miphun le ram caah kutke ngeimi an um rih lo. Amah pumpak phaisa chuah bakin miphun le ram caah kut a samhmi a tlawm ti lo. Cu lak ah a thil tuahmi poh a soiselmi kan um hoi.

Kan ziaza fiang tein a lang. Tutan a thiltuahmi ah amah pumpak hlawk  ruah ah a tuahmi a si bak lo.  Miphun dawtnak le kan Lai nunphung cawisan a duh caah le  kan mino sersiam a duh hna caah a tuahmi a si ti in ka hmu.

Cucu mi tampi nih heh tiah Lai nunphung zuartu kan ti, amah miak ruah ah a tuah kan ti. Kawlram phaisa sing 100 leng dih in a tuah tikah zeiti len hmanh in hi zat hi a hmu kho lai lo ti cu a fiang. A hmuh lai lo lengah hmuh zong aa timhmi a si lem lo.

Cun Van Ram Awr a zuamcawhmi kongah micheu nih  a ka  naltuk man sing 5 liam nih a kiah an ti than. Lung Thli Tum nih Van Ram Awr hi ka tei bak lai timi a ruah caah a zuam cawh zong a si tiin ka ruat lo. Kan Lai paih a sunhsak tuk caah tulio Lai lei Khuahlum lakah paih thiam timi a hawi sawm i si ko.

Ka sungh lai i sing 5 ka pek lai ti hi a theih tuk ve lai dah. Van Ram Awr sing 5 pek a duh caah a sawm bantuk khi si ko.

HI bantuk thil tha a tuahmi kan laimi chung an um hi kan i lawmh cio ding si. Soiselnak tu ah hman ding si lo. Amah bantuk miphun caah pumpak phaisa a dih ngamh mi le a sung ngammi laimi an um rih lo.

Mino te si, miphun le ram a daw ti a lang. A kutneh tamtuk kan hmuh cang. Cawisan i kan upat cio ding tu si lehlem. Cucaah Lung Thli Tum a soiselmi poh mitling lo kan si hna ti nak si.