Salai Lung Thli Tum Bantuk Pasal Tha Hi Laimi Nih Tampi Kan Herh

Tutan ah amah pumpak phaisa dih bakin miphun le ram dawtnak le kan Lai nunphung sunghlawihnak caah Chinland Paih Championship a tuah. Timhlamhnak tha te’n an ngei. Gym le paih cawnnak tiang an tuah rih. Cozah theihpinak le lungtlinnak he an tuah fawn.

Tutan Chinland Paih Championship tuahnak caah Kawlram phaisa in sing 100 leng cuang bak an dih. Cu vialte cu miphun dawtnak he a hman men ko. Cun tutan paih teinak hmumi pawl laksawng a pekmi hna hrimhrim a tam taktak. Zuam cawh paih pakhatnak a hmumi le bang cu Ks.2500000 bak pek. Zatlang paih champion pakhatnak zongah Ks.1000000 a pek fawn.

Cu lengah pahnihnak laksawng le tambik teitu, cun mipakhat tei ah tibantuk tete tiangin a pek hna. Cu lawng hlah uar a um khunnak cu amah hrimhrim tutan ah aa pai ve.

Tulio Lai hlum ah paih thiambik le paih dawhbik timi Hakha Khuathar Van Ram Awr cu phaisa sing 5 thap bakin a zuam.

An i pai taktak. Van Ram Awr nih peh tein voihnih a tei caah Salai  a sung. Sihmanhsehlaw a thinlung put uar um tuk.

Paih a thiam le a thawn caah zong si lem lo. Kan Lai nunphung tha a pek nak a langhter. A bia lawng in aa lunghmuih lo i a tuahsernak bakin langhter.

A chim bantuk in a tuah.  HI bantuk pasal tha hi Laimi nih kan herhmi si. Tutan Chinland paih Championship cu Hakha Khaikam Hall ah an tuah i zohtu zong an tam taktak. Paih committee pawl an riantuan ning zong zoh dawh tuk. Kan lawmhpi hna. Aa paimi zong an thiam cio dih hna.