Rumnak lam (3), rum na duh cun hi thil pathum hi tuah hmanh

Minung simi poh nih rum duh cio a si. Sinain minung poh rum a si hlei lo. Rum na duh si cun rumnak lam hi vun rel hmanh. A har pi zong si lo, hi a tanglei rumnak lam 3 hi zul chun hmanh na sining aa thleng hrimhrim lai.

Rum na duh ahcun,

-Rian pakhat fek te tuanmi na ngeih a herh

Rum na duh ko cun riantuan lo a ngah lo. Rian pakhat a hngatmi na tuan hrimhrim hau. Mithen khat nih cun phiatlan in rum kan duh, riantuan lo in rum kan i tim hna. Cu ruangah cun kan rum kho tawn lo. Cucaah rum na duh si cun caan hman te phaisa luhnak rian na ngeih hrimhrim a herh ve. Tampi hlawh luhnak rian na hmuh sile rang tein na rum ve lai tinak si ko.

-Na hmuhmi chungin 60% na khon a herh

A bik in Laimi hi kan kut a zaang, phaisa hman ah sumthen le samsikhah kan thiam lo. A um ah um ning in kan hmang theo. Rum duh ah cun phaisa hman thiam a herh lengah khon thiam a herh. Na herh nak zawn ah cun hmang ko, sinain khonmi cu ngei hrimhrim. Phaisa hman na thiam hlan chung le khonmi na ngeih hlan cu rum khawh a si lo. A si khawh cun na hmuhmi chungin 60% cu khon khawh i zuam.

-Sipuazi pakhat khat tuah hrimhrim

Thla fatin thlahlawh lawng in rum khawh a si lo. Cucaah rum na duh si cun sipuazi pakhat tal na tuah a herh ve. Cucu na rumnak lam pakhat a si. Na Sipuazi tuahmi zong nangmah he aa tlakmi le thiammi a si a herh fawn. Mi tuah cio hna tiah na thiam lomi thil kha tuah fawn hlah. A tlawmbik thla 3-4 chung hlathlai law cu hnu ah tuah. Cun sipuazi na tuah tikah na lung rang tuk hlah. Sipuazi thuk deuh na tuah si cun na rum deuh ti khawh si. Thla fatin na hmuh mi lawng i rinh hrimhrim hlah. Rum na duh cun sipuazi tuah.

Ref; dumblittleman.com