Ruh Cangmi Si Na Duh Ahcun Hihi Rak Rel Ve

Mi tampi nih kan i palh sual tawnmi cu “ exercise kan tuah ahcun kan ruh a cang lai ” tihi a si. Hi hi a hman lo bakmi a si, kan ruh cu tha bantuk a si lo i exercise tuah ruang ah a tthawng hlei lo, hi hi kan theih peng awk a si.

China ram ah scientist pawl nih study an tuahnak ahcun zuu pawl hi zei tuah loin bawm fa te chung ah an chiah hna i rawl ttha ttha a vitamin a pih takmi pawl an pek hna i cu zuu pawl cu zuu dang a tli a zaam pengmi rawl sawh sawh a eimi nak in an ruh a cang in a tthawng deuh ti si.

Cucaah a phi an hmuhmi cu exercise kan tuah lo zong ah kan rawl eimi vitamin a tthat ahcun kan ruh cu a cang in a tthawng ko lai ti hi a si. Cucaah exercise cu tha caah a ttha bak nain ruh cannak ding caah cun kan rawl eimi hi a tthat a herh. Ruh caah a ttha bikmi ei awk pawl cu cawhnuk, ngasa le arti pawl hi an si.