Rohingya Pawl Umnak Ah Inn Tampi A Kang, A Thimi Zong An Um

Kawlram i Rohingya pawl umnak hmun Ohndaw Chay an timi minung 6000 hrawng umnak hmun ah kan hnu ni 5 ni zaan ttim suimilam 12 hrawng ah khan mei a kaang i inn tan ngai a hrawh tiah theih a si.

Hi mei kangh ruang ah hin minung 6 ( nu 5 le pa 1) mei nih thilak in a kangh hna. Hi Rohingya pawl umnak khua hi Sittwe khua in meng 15 hrawng a hlat i zeihmanh an ngeih lo caah sittwe in mitat ( firemen) pawl an rak phak ahcun a tlai tuk cang, inn hnar cheu nawn cu a rak kang dih cang.

Hi Rohingya pawl umnak hi an inn pawl hi thlam bantuk in a men men i sakmi an si hna caah le mi tampi an i cawh caah hi bantuk i meikangh hi a tam khun. A tu hi minung 800 leng cu umnak thlam zong ngei loin khua an sa hawi cang.