Rili Chung ah tlami Lion Air Black Box cu kan hmuh cang tiah fehternak an tuah cang

Vanlawng pakhat ah um lo ngah lomi cu black box si. Vanlawng cu zeidang bantuk a si lo caah thil sual zeimaw an ton caan ah fawi tein theih khawhnak dingah record a tuahtu seh black box chiah zungzal asi. Vanlawng a tlak sual tikah cu black box cu biapi khun in an kawlsuatmi a si ve.

Tutan zongah Indonesia Java rili cung ah a tlami Lion air black box pahnih lakah pakhat cu kan hmuh cang tiah anmah Indonesia ram cozah lei nih nihin Nov. 1 ah mipi sin ah theihternak le thawngthanhnak an tuah cang. A tlami Lion Air ah hin thil tlai dihtu black box pahnih a um i cu lakah pakhat cu an hmuh cang.

Ti luh thiam pawl nih a tlami vanlawng an suatkawlnak ah atu bantukin black box pakhat cu an hmuh hi a si tiah kesezi lei in an hruaitu Mohammad nih media hna sinah a chim.

Black box an hmuh cang si cun vanlawng a tlak ning le a tlak hlan thil sining vialte fiang tak in theih khawh si cang lai. Cu thawngpang fianhmi cu thih tong chungkhar si hnaseh, vawlei pi nih  hngah cio si ko.

Ref.Mizzima