Rian tuantuk hna hi thih tuanhnak si, Din loin rian atuan tukmi Japan nu zong a thi

Duhfak hakkauh tuk i riantuan tuk hna hi thihtuanh nak si. Minung tam pi cu heh tiah chungkhar eidin le fenheih caah rian kan tuan hna. Mi tam deuh nih cun paw ca fang lawng ruat in rian kan tuan. cu  lakah cun mi thenkhat cu heh tiah rian hnih rian thum kep in caan hlei bakin rian a tuanmi an um ve.

Hi bantuk rian tamtuk tuanmi le caan hlei rian a tuanmi hna hi an rum hlei maw ti tikah rum hlei hlah, a donghnak ah an nunnak tu an sung lehlam.

Nikum 2017 ah khan Japan ram ah thawngzamhtu nu pakhat cu rian a tuan tuk nak ah a thi phah. A thimi nu hi kum 31  a si i caan hlei in suimilam tamtuk din loin  a tuan caah a lung tur a dih i cu ti cun chikhat ah a nunnak a dih ko.

Mah nu cu a min ah Miwasado an ti i NHK news ah thawngzamhtu le TV cung biachimtu a si. CNN chimnak cun Japan pawl an hmuhmi thlahlawh hi zapi lung a tlin deuh lo caah atu bantuk caan hlei riantuan hi an ram ah alar taktak an ti. Cu ruangah cun an ngandamnak ca zongah tihnung a si an ti.

Japan cozah nih a chim ve nih cun riantuanmi minung 5 ah 1 cu rian an tuan tuknak ah an thi lai tiah an ti ve. 2015 lio zong khan Matsuri Takahashi timi nu cu rian a duh ning in atuan khawh lo caah amah le mah a rak i that bal cang. Suimilam 150 tluk ba din lo te rian atuanmi hi an tamtuk.