Rakhine mipi dirpi nak thawngin AA pawl nih an ram chungah Sakhan an ngeih khawh

Kawl ralkap le Rakhine ralkap AA pawl hi nifatin ti awk an i kaap , kap hnih lei ralkap a thimi hrimhrim an tam tuk cang. Anmah AA lei chim nak hoi hna cun Kawl ralkap kan thahmi hna hi a thong leng kai an si cang an ti. Si nain kawl ralkap lei nih an cohlang ve lo, a si kho lo a thimi cu an um nain cu zat cu an phan kho lo hrimhrim an ti ve.

A taktak cun AA pawl hi an ram Rakhine mipi nih tha a pek tukmi hna an si. An ram chungah AA sakhan tampi an sak, AA pawl duh tawk in an um. A ngaingai ti cun Rakhine ram chungah Kawl ralkap nih AA pawl sakhan sak lo ding , um bak lo ding an timi a si. Cucu hnatlaknak hrimhrim an tuahmi a si. A sinain Rakhine mipi lungtlinnak he AA pawl an ram chaklei pengkulh hrawngah sakhan tampi an sak ko.

Nai tan zongah chaklei Minpyae pengah an i kaap i Kawl ralkap tamlak an thi. Cu a thimi lak hmanh cun Kawl ralkap lei ralbawi Tatyin hmu 2 an thi. Kawl ralkap nih hmunka kip loin AA pawl an kham dih hna. Heh tiah nifa ti awk ralkap thazang a thlah peng ve. Sinain AA a zei poi lo. Kum 2 kum 3 chung cu ei awk le din awk, raltuknak hriamnam tling kan ngei ko an ti salam ve. Nikum nak zong in tukum chungah an i kah a tam taktak. Ref;Irrawaddy

Be the first to comment

Leave a Reply

Your email address will not be published.


*