President nih thongtla minung 9551 bak luatnak pek hna

Mipi an i lawmh khawh ning cu amak taktak. Kan theih bantuk in tulio cu Kawlram Thingyan a si. Phundang chim cun an kum thar a si caah ram phung ning le president nawl ngeihnak in President Win Myint nih thongtla minung 9551 luatnak a pek hna caah mipi lei cu thong inn kip ah thongchuah mi an chungle an hngah cio ko hna. Insein thonginn hmai hna cun minung an tamtuk, ram hla sak pah in an um ko hna.

President luatnak pekmi an dihlak ah minung 9551 an si i Kawlram mi taktak cu 9535 an si, ramdang mi minung 16 an i tel an dihlak ah 9551 an si tiah nihin April 17 Anmah Kawl kum tuak ning an kumthar nikhat nak ah luatnak pek an si tiah ram pi zung lei nih thwng an zamh. Sinain mi zeidah luatnak an hmu timi cu fiangfai in an min chim a si lo.

Nihin kumthar caan zongah President Win Myint siseh,  Vice President pahnih Myint Shwe le Henry Van Thio zong nih biaro chimnak an ngeih cio. President Win Myint chimmi cu kum thum chung ram a thancho ning hmailei zongah thanchonak lei ah biatak chuah aa tinhmi le Vawleicung ram thangcho lo bik timi kawlram hi thangcho mi ram cazin ah thlen ding timi pawl a chim len. Ref:VOA