Phungyi Pawl Ko Hi Pei Rithai Sii Zuar An Tam Ko Hi

Mandalay taing i Pyigyidagun le Patheingyi khua ah palik pawl nih zarhpini le nikhat ni ah khan minung 4 rithaisii a zuarmi an tlaih hna i minung 2 hi phungyi an si.

Zarhpi ni ah khan palik pawl nih Pyigyidagun i phungyi kyawng ah an kal i ritsii kawlram tangka 41,900,000 man bak an tlaih. Hi phungkyi pa hi U Aye Kyaw a si i kum 52 a si. Kum 13 chung bak phungyi rian a ttuan cang i ritsii hi a thli tein a rak zuar peng.

Ni khat ni ah Patheingyi khua ah palik pawl nih phungkyi pakhat le midang 2 cu rithai sii ruangah an tlaih ve hna. An ritsii zuarmi cu 6,000,000 man bak a si. Hi phungkyi pa hi U Soe Moe a si i kum 49 a si i kum 18 chung phungkyi rian hi a ttuan cang.

Kawlram ah hin hi bantuk in phungkyi si ttung i ritsii a zuarmi hi an tam ngai an phungkyi sinak min cu huh phenhnak ah an ser hna i a thli tein ritsii an zuar. Palik pawl nih a tu hi a tam ngai an tlaih cang hna.