Pathian nih ka thlacam hlawh a tlinter- Salai Lung Thli Tum

Upat um bakmi Salai nih a lunglawmhnak a chim. Pathian nih ka thlacam hlawh a tlinter, nan zapi cung kai lawm. Hakha ah paih tuah ka timh ah a fawi lo taktak timi ka rak theih ko, zohchia in i chuahsual a fawi tuk timi zong ka theih fawn. Ka phaisa le ka thazaang dihlak in puai a tlamtlin nak hnga caan saupi kai zuam.

Mipi lungtho deuh seh tiin paih zong ka cawng, Hakha paih thiam bik Vanramawr zong ka singkhaw i aka tei. I titer nak a um bak lo. Cheukhat nih cun a sung an ka ti ko lai nain kei nih cun kai tinhmi ka tlinh tiah kai ruah. Kei kai tinh bikmi cu mipi lung thawhter le hliphlauter khi a si.

Hakha nupa, paih committee, CACC tuanvo ngeitu, cozah riantuantu le thazaang petu nan dihlak cung ah kai lawm hringhran. Nanmah tanpinak thawngin kan paih zuamnak hlunghlai taktak in kan lim. Ka thlacam Pathian nih tlam a tlinter.

Hmasa bik Chinland Champion Van Bawi Hmun zong kan lawmhpi tuk, Senthang le Sakta dihlak caah tuanbia thar na tial a si. CPC paih cawnnak ah paih na rak cawng i champion na ngah khawh caah kai lawm hringhran, paih an chimhtu Tluang Lian cung zong ah kai lawm fawn. Nangmah nih CPC paih cawnnak a sawhsawh a si lo, champion ser khotu a si timi na langhter.

Copyright  by.Salai LTT