Pathian nih a fale a kan zoh sawh hrimhrim lo, Hnuk cancer in a thi lai anti mi MiMi Khe zong Pathian nih damnak a pek

Kawlram Pathian hlasak minthang MiMi Khe cu tuan a pasal Tun El Lyin he an i then hnu ah Australia ah a kal . Pasal dang he khua an sa i nau zong pakhat an ngei than.

Sihmanhsehlaw vanchiat ah hnuk cancer a ngei ai. Caan saupi aa thlawp len ve. Mi tampi nih cun a nung ding ah an ruat ti lo. Sinain fek te Pathian a zumhnak le bochannak thawngin damnak tlamtling a hmuh than i hla zong a sa kho than. Tehte zong a khan lengmang cang.

Pathian a thatnak le Pathian nih a zoh sawh lonak zong mipi hmai ah a chim. MiMi Khe cu Australia a phanh tlawmpal ah a va simi Brice he a pathum nak fate an ngei.

Cu tikah a hnuk chuahnak lam aping an ti. Tha te an zoh tikah cancer a si i a ruahrua zong a tleih dih cang an ti heh tiah an thlawp. Dat zong an em, Cancer sii zong an thleih len. A sam zongte a raang dih i a tlong dih.

Nung ding in an ruah ti lo. Sinain dam nak tlamtling a hmuh than. Pathan sin ah damnak taktak ahmuh i a sam zong a keu than. Hla zong a sa kho than cang.

Pathian nih a mifa hna hi a kan zoh sawh lo ti cu hi MiMi Khe nun in a lang.

Note. Hihi a thartuk cu si  lo nain thazaang laknak caah tialmi si.

Ref. Peti Myanmar