Pastor Abraham Ben cu Thong in a chuak cang

Thong inn chung ah thawngtha a chim nak in misual thongtla 18 bak an hrin than. Amah zong hi Muslim a rak si ve. Lawmh a um taktak. Khrihfa kan zumhnak cu Muslim hna sin ah fek tein a dir pi in Yutube tiang in Muslim zumhnak siseh, an hmanmi Baibal Koran  a dohmi Pastor Abraham Ben cu kum 2 thong a tlak hnu ah a chuak cang tiah theih a si.Pastor Abraham Ben cu 2017 December thla ah khan an rak tleih. Zeiruang ah dah an tleih ti cun, Khrihfa cawnpiaknak kong kha a chim Muslim Baibal Koran a dik lo nak a chim cucu Video in a thlak caah an tleihmi si.

2005 in khrihfa a lutmi a si. Tuan ah cun mah zong Muslim professor pakhat a si ve. Thiamnak a ngeimi a si. Sinain Khrihfa kan Baibal hi a rel tikah Muslim tleihmi Koran nak in le an zumhnak le tleihmi nak in a that deuh a theih tikah Muslim kal tak in khrihfa ah a lut beh. Khrihfa a can lawng si lo. Heh tiah khrihfa cawnpiaknak a chim. Pathian biatak a phuan. A thawngtha chimnak thawngin minung tampi nih hrinthannak an co.

Cauk zong uk 5 khengte a tial cangmi a si i a cauk tialmi pawl hi Khrihfa zumhnak le Muslim zumhnak cuaithlai ti nak pawl an si hna. Muslim zumhnak a doh nak kong zong a cauk ah a tial. An tleih i thong an thlak hlan ah palik sakhan ah zarh hnih an rak chiah, cu ah cun Muslim ah kir than law thong in na luat lai an ti nain a duh bak lo.  Amah hi Indonesia ram ummi a si. Thong a um chungah amah thawngtha chimnak thawng in minung 18 nih hrinthannak an co.

Cu ti a hrinthanmi chung zong cun ralhrang pawl zong an i tel ti si. Atu thong a chuah hnu zongah a rian thing pehzulh in tuan aa tim rih . Muslim cawnpiaknak doh i khrihfa cawnpiaknak dirpi a si. ref:The voice of Martyrs