Pakistan Ram I Khrihfa Nu Thahding An Timi Cu Nihin Ah A Luat Cang

Lunglawmh awk tlak a va si dah, kan nih nih cun hi bantuk in Muslim pawl huatnak hi kan tong bal lo i kan thei lo a si. Muslim pawl hi an biaknak le an Pathian kong kaa khat vun chim sual ahcun minung thah cu aa faqih tukmi an si, cu lak i hi nu a luat hi cu Pathian thaqng laqng laqng in a si.

Hi Asia bibi hi kum 2010 lio ah muslim nu pakhat he an rak i si i cu ahcun hi muslim nu nih hin mualim dang pawl a rak chimh hna i zung ah an rak ttai. Mipi nih thah dingin sandah an rak piah len. Cozah nih cun hi bantuk in a sual lo mi pi rumro hri in thlai cu an rak duh ve lo.

Asia bibi cu thong ah khua a sa peng ko i nai hrawngah khan nihin hi a donghnak biaceih a rak si lai caah mualim pawl nih sandah piah hram an rak i thawk hoi. Hi Asia bibi cozah nih hri in an thlai duh lo caah cozah bawi 2 cu Muslim pawl nih an rak thah cang hna.

Kum 2010 lio ah khan Pope Benedict tiang nih a rak nawl piak nain an rak luat ter hlei lo nain nihin cu ruah lo piin cozah nih an luatter i a ho poh an lau dih. Pathian thawng lawng lawng in a si. Sihmanhsehlaw thinginn nak in a leng ah hin a nunnak caah ttih a nung deuh caah Pathian tu nih veng ko seh.