Pa Khat Nih Jews A Fuat Tuk Hna Caah Minung 11 A Thah Hna

Kan hnu zarh te ni zingka ah khan Synagogue khua ah pa pakhat nih mipi a umkal liomi hna cu meithal in a kah hna i minung 11 an thi. Hi pa hi a min ah Robert Bowers a si i a kum setsat hi an thei lo.

FBI pawl nih an chimnak ahcun hi pa nih hin jews pawl thah a duh hna caah hi bantuk hin meithal hi a thlah tiah an ti. Hi a thimi lak ah hin hngakchia an i tel lo. Tar kum 61 le kum 70 hna cu fak ngaiin an i khawn caah a tu hi siizung ah an um i an cei ngai.

Hi a cannak hi mipi an i nuamhnak hmun hngakchia a chuakka minsaknak puai ah a cangmi a si. Hi kong he pehtlai in Donald Trump nih a chimmi cu ā€œ hi bantuk thil sual le fihnung hi a tu chan ah a um kho lai tiah zong kan ruat lo, a luancia tuanbia in zeihmanh kan cawng lo tinak a si ko ā€ tiah a ti.