Operation in fa a hringmi nu pawl an temhtuar ning, upat lo awk an tha lo

Nu pakhat le pakhat an dirhmun an i khat cio lo, Thenkhat nih fawi te le normal in fa an hrin lio ah thenkhat cu khuaihlai in fa an hring ve. Hi bantuk khuaihlai chom i fa a hringmi nu pawl hi hrinmi fale nih upat khun ding an si . Zeicathiah an chan chung mi tling lo bantuk an si cang.

Cu ti vun ti tikah zeidang si loin, fahthawmnak le chanbaunak tampi an ngei. Zei pawl dah an tuar ti cun,

-Operation tuah ding an si tikah heh tiah vitamin thazaang ca drip an tleih hna. Suimilam 24 chung bak te thleih an si. Cu tikah an kut i a si dih. Thil zong thitha in an tlai kho lo. Operation tuah lomi nu nih cun a ruah awk an thei lem lai lo.

-Operation tuahmi hna cu an keng atu le tu aa fak. Operation tuahnak ah thungsii chunh an si . Cu sii nih cun an thahrih pawl zong tampi a hrawhhral ve. Cu tikah keng fah, thahri fah tibantuk an ngei theo.

-An thil philh a fawi, lungloh tibantuk an hmang khun. Zeicahtiah thungsii an chunh hna ruangah an thluak lei a rawkralmi tampi um, cu tikah an thluah riantuan ning a cak kho lo. Thil philh an hmang taktak.

-thil rit an cawihler kho ti lo.

An duh mi poh tuah awk a tha ti lo. Hlan bantuk in an thawng in an cak ti lo. Zeicahtiah an paw aah mi an si cang. Ralrin tein an nun a  herh.

Siloah ziah operation cu an i tuah fawn timi biahalnak a um kho. Thenkhat nu cu operation tuah lawngah fa a hring khomi an um. Cun cheukhat ve cu nau zawnruah ah, nau temhtuar duh lo ruangah operation aa tuahmi an um ve.

Cucaah operation a tuahmi nu pawl hi a hlei in zohkhenh ding le dawt ding an si. Hrinmi fale hrimhrim nih cun upat ding bak si.

Kanmah caah an tuar tihi theih peng ding.