Nuva tha timi cu hi bantuk hi an si…

Na chungkhar khuasak nak ah chungkhar nuam nan si maw? Nihin ni tiang na chungkhar khuasak nak ah na lung naa hmuih maw. Na lung a tling maw? Siloah nuva tha nan si maw ? Nuva tha nih zeidah an tuah i zeitindah nuva tha cu khua an sak timi a tangah vun zoh hmanh. Na sining he aa keih maw, aa hlat tuk si cun naa zuam deuh a herh lai.

Nuva tha timi cu chungkhar fale mithmuh ah zumhtlak tein an um, an i daw, theihthiamnak an ngei i fale mithmuh hngan ah biatha lo an chim lo. An i sii fawn lo. Siknak a um zongah anmah pahnih te lawng umnak ah an i sii tawn. A bik in pasal tha nih cun a nupi kha a dawt i a herhmi vialte tlinh aa zuam.

A nupi hnangam ter le fale lunglawmhter kha arian ngan bik ah a chiah zungzal. A nupi le fale duhnak tel loin rian a tuan lo, a cawlcang lo. Chungkhar ah nuam te khuasak a duh a mah pumpak awr muannak le dihriamhnak lawng a tuak lo. A riantuanmi poh ah hlawhtling mi si aa zuam zungzal. A nupi caah zumktlak tein a nung.

Cu ve bantuk cun nupi tha zong nih a pasal rian kha 100 ah 100 a dirpi ve. A pasal bawmtu tha si aa zuam zungzal. A pasal kha a fim ah siseh a hruh ah siseh a upat. A va tangah a thudir, a pasal khuakhannak a zulh peng. A fale nih an pa upat dingin a cawnpiak hna. A va caah thih ngamh in a dir. Thlithup riantuan a hmang lo, a pasal theih loin zeihmanh a tuah lo. A pasal kha Pathian chang ah a ruah i a bochan, a zumh, a tihzah.

Hihi nuva tha hna khuasak ning le nun ning a si. Nang tah na nupi or na pasal he zeitindah khua nan sak ve. Crd.chin7news

Be the first to comment

Leave a Reply

Your email address will not be published.


*