Nurse pakhat nih mizaw 100 a thah hna, thih hlan lo thong an thlak ve

Siibawi / Nurse an rian cu mizaw damter a si nain Germany ram Nurse pakhat nih cun mizaw 100 a thah hna. Bia an ceih nak zongah aa pheh ve bak lo. Ka thah  ko hna tiah a chim ko.

Germany ram ah Nurse a rak tuanmi pa pakhat cu mi thah case in an tleih. Biaceih zung nih bia an ceih thil sining an hlat tikah cun aa pheh ve lo. Minung 100 siichunhnak in an thi ko.

Cu pa cu vawleicung a thlite mi thattu tambik cazin ah a lut ve. A min ah Niels Hoegel a si. Kum 41 a si i Germany ram chaklei siizung pahnih ah Nurse mizaw zohkhenh rian a rak tuanmi asi. Mah siizungah pahnih ah cun hi zah mizaw a thah hna hi a si ve.

Palik pawl chim nak ah cun siizung a rak fuhmi mizaw pawl cu luan tuk in sii a chunh hna tiah an ti. Cozah biaceih tu pawl chim ve nak cun cu ti sii tamtuk a chunh hna cu mizaw pawl tuaitam le cun mizaw an thih hnu ah nun ter i a hawile sin ah a thil ti khawhnak langhter a duh ruang ah a si an ti.

Atu ah cun cu pa cu a thih hlan lo thong a tla cang lai. Mah mizaw 100 a thah hna nak cu Oldenburg ah mizaw 36 cun Delmenhorst ah mizaw 64 an dihlak ah 100 bak thah ko hna.

Cu ti mi a thah hna caan cu 1999 in 2005 kar ah a si. A hmuh fiangte an theih khawh nak dingah a thimi pawl an ruah zong tha tein an zoh than hna hnu ah an fehtermi a si.

Cu ti mizaw duh poh in sii a chunhmi hna hi siibawi te nawl pek nak tel lo bakin amah nawl in a chunhmi hna a si an ti.

Ref.BBC