Nunnak hi kan mah ta si lo, Michael Jackson zong nih Vawlei ah kum 150 nun a rak duh ve ko

Vawleicung Lam thiam bik timi le hlasak thiam mirum taktak Michael Jackson nih hin Vawlei ah kum 150 nun a rak duh. Cu ruang cun a nun chung ah a lu thluk in a ke tiang nifatin check dingah a umnak inn cia ah Siibawi minung 12 a rak i chiah hna ti si. Kum 150 nun a rak duh ruangah a tuahmi pawl hi tha te tuak set cu hruh zong a lo ngaingai. Zeicatiah nunnak le thithnak, minung nunnak thaw hi minung kan kut ah a um lo ti hi a rak fiang rua lo. Kum 150 chim lo kum 50 si ah a thi. Kum 150 nun a duh ruangah a tuahmi pawl cu,

Nifatin a ngandamnak check tu siibawi 12 a inn ah aa chiah, Rawl a ei dingmi hi a ei hlan ah Dathman in an check ta dih. Heh tiah an sit hnu lawngah a ei. Nifa a  ngandamnak caah Exercise a tuahnak ah zohkhenhtu minung 150 a chiah hna. Cun a ihnak Ihkhun ah Oxygen bur hi timhcia in aa chiah, thil pakhatkhat ton sual ah hman dingin Oxygen ready tein chiah piak a si.

Cun a takpum, thisen, chungril pakhatkhat a rawh asual i thlen le lak a herh sual tikah thlen ding ah tiin minung chiah piak le hlan piak cia  si. Zeitikpoh ah a duhmi taksa, thilri hman khawh dingin kawlpiak a si. Hi bantuk thil tuah i kum 150 nun cu a rak i timhmi a si.Sinain 2009 June 25 ah Michael jackson cu a thi. A thih ah kum 50 lawng a si rih. Cu ti thil a tuahmi vialte, siibawi thiamsang 12 aa chiahmi pawl zong cu pakpalawng lawng te an si dih ai.Los Angels le California um siibawi te zong nih Michael jackson nunnak cu an khamh kho lo i cu ti cun Vawlei ah kum 150 nun aa timmi cu tuan ah a kal taak ai.

A ruak thlahnak le vuinak cu online cungin minung 2.5 millions nih an zoh ve. Cu tluk amah pumpak nih siseh, midang bawmtu hlang in chan saupi nun a duh tukmi cu a thih caan a phak tikah cun vawleicu a kal taak ko. Cucaah nang le kei cu nunnak le thihnak hi kanmah ta a si lo. Nunnak ngeitu Pathian nih a herh a ti cun a lak te ko lai. Timhcia te in um, ralring tein nung. Daithlan in um hrimhrim hlah. Kum cu zat ka nung lai ti zong aa ruat ngam ding kan si lo dakaw hih. Kan chan a tawi tuk.