Nungak nu nih a tlangval pa a hloh bak a donghnak an i kiss lioah a tlangval pa lei a seh pa cu a thi deng

Nu hi pa nak in an mi duh a hrat deuh. Mi pakhat an duh cang hnu cun tihmi zeihman an ngei lo thlichiat zong an ruat lo. A caan cun pa nih kan ruah hna leng bakin mi tei rial cham an hmang fawn. A tanglei Tuluk ram  cangmi hrim hi a mak tuk.

Kum 23 simi Tuluk pa Liu le nungak nu Zhou timi cu caan saupi an i duh hnu ah pa nih a then ai. Mi thenkhat chimnak cun an ruahnak aa khah lo caah lunghmu loin an um hna i cu tikah mipa Liu nih hin minu Zhou cu a  then an ti.

Nungak zong nih a voikhat nak cu a celh bak ve lo. A tap tuk ve. Sinain duh duhlo ah then a hau cang. An pahnih lungtling tein an i then.

Nu nih a celh lo rua a tlangval pa cu a donghnak kiss i pe u sih tiah a hal tikah mipa zong nih OK a ti ve. Cu ti cun zapi lam cungah an i hman. Ruah lo pi ah an i hnamh cuahmah lio  cun nungak nu Zhou nih a tlangval pa Liu cu a lei a seh i a thlah ti lo.

Pa cu heh tiah a ai chih. A hnu ah cun palik pawl nih an then hna. Mipa cu a nungak thing nih a sehnak a hma a fak ngaingai lam cung a ril ko.

Vanthat ah siizungah an tlik pi colh. Nungak nu nu le pa chimnak cun Liu hi a chuah ka in a thinlung a dik ngaingai lomi asi an ti.

Ref: Elitereaders.com