Nu le pa an no lio lawngah a daw bantuk um i an tar hnu cawmken zuam lo cu a poi tuk

Nule pa an thawn lio le an no lio lawng ah dawt ngai i an tar hnu, zeihmanh an tuah khawh ti lo hnu ah nu le pa a rem lomi fale tampi kan um. Ramdang ah a lar ngaimi cu nule pa an tar i zei an tuah khawh ti lo hnu cun tar zohkhenhnak ah chiah a si.

Kan Kawlram tiangah a lar ngai ve. Kawl hi nule pa an daw bak kan ti nain an nule pa a tar cangmi le a thi dengmi pawl a rem lomi an tam tuk ve ko.

Yangon ah tar chiahnak tampi a um, cu lakah chungkhar (fale) nih thawl mi tar hi 2000 tluk bak Thanlyin tar zohkhenhnak lawng nih an zohkhenh hna hmundang ah zeitluk in dah an tam rih hnga.

Cu tar 2000 lak ah cun mitcaw, hnachet, ngan dam lo le thih bawhmi an tampi. Zohkhenh awk an that ti lo  an caah ruahchannak a um ti lo caah atu bantuk hlawt le thawl an ton nak si.

Hi bantuk hringtu nu le pa thawl le hlawt timi hi kan Laimi chung zongah a um pah cang. A poi ngai ko. Nula pe nih cawm lio vial ah cun kan i nuam ngai, nain nu le pa zei an tuah khawh ti lo tik i a rem lomi le cawm zuam lomi kan tamtuk.

A bik in kannih khrihfa zumhnak he cun ruah a herh ngaimi a si.